Што знаеш за емоциите?

Емоциите се лични човечки чувства што го одредуваат расположението. Од емоциите зависи како ќе се однесуваме.

Што знаеш за емоциите?

Некои емоции ги чувствуваме позитивни – како среќно, сакано, задоволно, сигурно, радосно, благодарно или вклучено. Други емоции може да се негативни – на пимер, налутено, уплашено, засрамено, виновно, тажно или загрижено. И позитивните и негативните емоции се нормални. Еве неколку примери на позитивни и негативни емоции:

Негативни емоции

• Лутина/бес
• Незадоволство
• Тага
• Анксиозност/вознемиреност
• Страв
• Срам
• Вина
• Љубомора

Позитивни емоции

• Среќа
• Љубов
• Задоволство
• Радост
• Благодарност
• Грижа
• Очекување
• Изненадување
• Воодушевување

Луѓето со позитивни емоции се расположени, енергични, спремни да им помогнат на другите и можат да ги надминат тешкотиите. Негативните пак емоции ги прават луѓето несреќни, нерасположени, обесхрабрени, повлечени во себе и нервозни.

Три чекори како да ги управуваш твоите емоции 

1. Познавај ги твоите емоции
   • Препознај ги точно твоите емоции
   • Разбери што ги предизвикало
   • Биди чувствутелен/на и кон емоциите на другите
2. Изрази ги своите емоции на добар начин
   • Изразувањето на позитивните емоции ќе ни го направи животот поубав и побогат. Исто така, и односите со другите ќе ни бидат подобри и поуспешни
   • Не ги потиснувај емоциите. Изрази ги и негативните емоции на мирен начин за да не се повредиш ниту себеси ниту другите.
3. Контролирај ги своите емоции успешно
   • 3.1 Контролирај ја лутината
     • Остани подаелку од се што те лути или ја зголемува твојата лутина
     • Прави активности што се пријатни, на пример, слушај музика, вежбај, или прошетај во природа/парк
     • Биди расположен/на и смеј се
   • 3.2 Намали ја тагата колку можеш
     • Разбери зошто се чувствуваш тажно, што е причината и соочеи се храбро со проблемот
     • Избегнувај да размислуваш одново за нешто што не успеало
     • Комуницирај и прифати ја помошта од твоите родители, наставници, другари/ки и соученици
   • 3.3 Ослободи се од вознемиреноста и стравот
     • Спреми се за пубертетот
     • Учествувај во групни активности за да го намалиш стравот од непознати места
     • Добро подготвувај се за тестови или натпревари
     • Кога ќе почувствуваш голема вознемиреност и страв, пробај да правиш вежби за опуштање и диши длабоко неколку пати
   • 3.4 Ослободи се од срамот/Не се срами
     • Научи да си ги прифатиш сопствените ограничувања
     • Почитувај го секој свој напор
     • Учи од неуспехот. Одново изгради ја самодовербата
   • 3.5 Ослободи се од чувството на вина
     • Ако згрешиш или не успееш не претерувај со чувствата
     • Откриј ја причината за неуспехот и обиди се да не ги направиш истите грешки.
     • Одбегнувај да се каеш постојано за нешто што се случило во минатото. Биди храбар/храбра и соочи се со нови предизвици.